ಪ್ರೇಮಿಗಳ ದಿನ: ಹುಡುಗಿಯರ ಕಾಟ ತಾಳಲಾರೆ ಪ್ಲೀಸ್ ರಜೆ ಕೊಡಿ ಸರ್, ವಿದ್ಯಾರ್ಥಿಯ ರಜಾ ಅರ್ಜಿ | Janata news
2545
ಚಾಮರಾಜನಗರ : ಪ್ರೇಮಿಗಳ ದಿನದ ಸಹವಾಸವೇ ಬೇಡ, ನನಗೆ ಐದು ದಿನ ರಜೆ ಕೊಟ್ಟುಬಿಡಿ ಸರ್ ಎಂದು ಕೊಳ್ಳೇಗಾಲ ವಿದ್ಯಾರ್ಥಿಯೋರ್ವನ ರಜಾ ಅರ್ಜಿ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಪ್ರೇಮಿಗಳ ದಿನ ಹತ್ತಿರ ಬರುತ್ತಿದ್ದು, ಹುಡುಗಿಯರ ಕಾಟ ತಡೆಯಲಾಗುತ್ತಿಲ್ಲ, ತನಗೆ 5 ದಿನ ರಜೆ ಬೇಕೆಂದು ಕಳೆದ 9ರಂದು ಈ ಅರ್ಜಿ ಬರೆಯಲಾಗಿದೆ.
ಎಸ್. ಶಿವರಾಜು ವಿಕ್ಟರ್ ರಜೆಗಾಗಿ ಪತ್ರ ಬರೆದ ವಿದ್ಯಾರ್ಥಿ. ಈತ ಕೊಳ್ಳೇಗಾಲದ ಮಹದೇಶ್ವರ ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನ ದ್ವಿತೀಯ ವರ್ಷದ ಬಿಕಾಂ ವಿದ್ಯಾರ್ಥಿ.
ಫೆ. 14ರಂದು ದೇಶಾದ್ಯಂತ ಆಚರಿಸುತ್ತಿರುವ ಪ್ರೇಮಿಗಳ ದಿನದಂದು ಹುಡುಗಿಯರ ಕಾಟವನ್ನು ತಾಳಲಾರೆ, ಹೀಗಾಗಿ ನನಗೆ ಐದು ದಿನಗಳ ಕಾಲ ರಜೆ ಕೊಡಿ ಎಂದು ಪತ್ರದಲ್ಲಿ ಶಿವರಾಜ್ ಮನವಿ ಮಾಡಿಕೊಂಡಿದ್ದಾರೆ.
ವಿಶೇಷವೆಂದರೆ, ಶಿವರಾಜ್ ಬರೆದ ಪತ್ರದ ಮೇಲೆ ಸೀಗನಾಯಕ ಅವರ ಹಸಿರು ಶಾಹಿಯ ಸಹಿ ಹಾಗು ಸೀಲ್ ಸಹ ಇದೆ, ಸದ್ಯ ವಾಟ್ಸಾಪ್, ಎಫ್ಬಿಯಲ್ಲಿ ಈ ರಜೆ ಅರ್ಜಿ ಸಖತ್ ಸದ್ದು ಮಾಡುತ್ತಿದೆ.
RELATED TOPICS:
English summary :Chamarajanagara
